1 א  למנצח על-השמינית    מזמור לדוד ב  הושיעה יהוה כי-גמר חסיד    כי-פסו אמונים מבני אדם

2 ג  שוא ידברו--איש את-רעהו    שפת חלקות--בלב ולב ידברו

3 ד  יכרת יהוה כל-שפתי חלקות--    לשון מדברת גדלות

4 ה  אשר אמרו ללשננו נגביר--שפתינו אתנו    מי אדון לנו

5 ו  משד עניים    מאנקת אביונים עתה אקום יאמר יהוה    אשית בישע יפיח לו

6 ז  אמרות יהוה    אמרות טהרות כסף צרוף בעליל לארץ    מזקק שבעתים

7 ח  אתה-יהוה תשמרם    תצרנו מן-הדור זו לעולם

8 ט  סביב רשעים יתהלכון    כרם זלות לבני אדם ]