1 א  למנצח בנגינות על-השמינית    מזמור לדוד ב  יהוה אל-באפך תוכיחני    ואל-בחמתך תיסרני

2 ג  חנני יהוה כי אמלל-אני    רפאני יהוה--כי נבהלו עצמי

3 ד  ונפשי נבהלה מאד    ואת (ואתה) יהוה עד-מתי

4 ה  שובה יהוה חלצה נפשי    הושיעני למען חסדך

5 ו  כי אין במות זכרך    בשאול מי יודה-לך

6 ז  יגעתי באנחתי--אשחה בכל-לילה מטתי    בדמעתי ערשי אמסה

7 ח  עששה מכעס עיני    עתקה בכל-צוררי

8 ט  סורו ממני כל-פעלי און    כי-שמע יהוה קול בכיי

9 י  שמע יהוה תחנתי    יהוה תפלתי יקח

10 יא  יבשו ויבהלו מאד--כל-איבי    ישבו יבשו רגע